Швед улсад тээврийн хэрэгслийг техникийн үзлэгт (besiktning) оруулахтай холбоотой хууль журам байдаг. Замын хөдөлгөөнд оролцож буй автомашинууд аюулгүй (säkra) байх, мөн байгаль орчинд хорт бодис (miljöskadliga ämnen) хэт их ялгаруулахгүй, замын хөдөлгөөнд аюул учруулахгүй (trafikfarliga) байх ёстой. Хэрэв та автомашинаа хугацаанд нь үзлэгт оруулахгүй бол тухайн машинд жолоодох хориг (körförbud) тавигдана.
🚗 Машиныг хэдийд техникийн үзлэгт оруулах вэ? (kontrollbesiktas)
- Шинэ суудлын автомашин (ny personbil) анх замын хөдөлгөөнд орсноос хойш 36 сарын (36 månader) дотор анхны үзлэгт орно.
- Хоёр дахь үзлэгийг эхний үзлэг хийлгэснээс хойш 24 сарын (24 månader) дотор хийнэ.
- Үүнээс хойш автомашиныг 14 сарын (14 månader) дотор дахин үзлэгт оруулах шаардлагатай.
Жишээ:
Машин 8 настай бөгөөд та 3-р сарын 11-нд (11 mars) үзлэгт оруулсан бол дараагийн үзлэгийг дараа жилийн 5-р сарын сүүлчээр (sista maj) хүртэл заавал хийлгэнэ.
- Машин 30 жил (30 år) болсон бол хуучин автомашин (veteranbil) гэж тооцогдож, 24 сар тутамд (24 månader) үзлэгт орно.
- Машин 50 жил (50 år) буюу түүнээс дээш настай үед үзлэгт нэг удаа тэнцсэн (godkänd) бол цаашид дахин үзлэгт орох шаардлагагүй (aldrig mer besiktigas).
🛠 Үзлэгт орохоос өмнө (Inför besiktning)
Та автомашинаа зөвхөн баталгаажсан үзлэгийн байгууллага (godkänt besiktningsföretag)-д үзлэгт оруулах ёстой. Заримдаа үзлэгийн байгууллагууд танд сануулга илгээж магадгүй ч, машины эзэмшигч (ägare) та өөрөө хугацаанд нь үзлэгт оруулах бүрэн хариуцлагатай.
Та Тээврийн агентлаг (Transportstyrelsen)-ийн вэбсайтад орж, машины дугаар (registreringsnummer)-ыг оруулан үзлэгийн төлөв (besiktningsstatus)-ийг шалгаж болно.
🔧 Үзлэгийн дараа (Efter besiktning)
Хэрэв үзлэгийн явцад алдаа, доголдол (felaktigheter) илэрвэл тэдгээрийг аль болох хурдан (så snabbt som möjligt) засах шаардлагатай.
- Хэрэв дахин үзлэг (ombesiktning) шаардлагатай бол:
- 1 сарын (en månad) дотор хийлгэвэл жолоодох хориг тавигдахгүй
- 2 сарын (två månader) дотор хийлгэвэл машиныг бүхэлд нь дахин үзүүлэх шаардлагагүй
Хэрэв аюултай гэмтэл (farliga fel) илэрвэл автомашиныг чирж зөөх (bärgas) ёстой.
ℹ️ Мэдэхэд илүүдэхгүй (Bra att veta)
- Цагдаа (polis) эсвэл автомашины байцаагч (bilinspektör) таны машиныг аюултай гэж сэжиглэвэл гэнэтийн үзлэг (flygande besiktning) хийх эрхтэй.
- Машинд томоохон өөрчлөлт (större förändringar) хийсэн бол (жишээ нь хөдөлгүүр солих (motorbyte)) 1 сарын дотор (inom en månad) бүртгэлийн үзлэг (registreringsbesiktning) хийлгэх ёстой.
- Жижиг өөрчлөлт (mindre ändringar), жишээ нь машины өнгө солих (lacka om bilen) нь бүртгэлийн үзлэг шаарддаггүй.
- Үзлэгт орохоос өмнө өөрөө аюулгүй байдлын шалгалт (säkerhetskontroll) хийвэл гэрэл асахгүй байх, анхааруулах гурвалжин (varningstriangel) байхгүй зэрэг хэрэггүй уналтаас (onödiga nedslag) сэргийлж чадна.